Ftohen studentët për aplikim në programin certifikues të Qendrës për Energji dhe Qëndrueshmëri të Universitetit të Prishtinës- Menaxhimi i Energjisë dhe i Mjedisit. Të drejtë aplikimi kanë studentët nga të gjitha Fakultetet e Universitetit të Prishtinës të cilët kanë të regjistruar së paku semestrin e dytë të studimeve bachelor si dhe të gjithë studentët e tjerë. Të interesuarit për programet certifikuese mund t’i marrin të gjitha informatat në web-faqen e QEQ: https://qeq.uni-pr.edu/ . Aplikimet e kompletuara dorëzohen në zyrën e QEQ (Administrata Qëndrore) deri më 14 Mars 2025, ora 16:00.

Njoftohen të gjithë studentët të cilët janë pjesë e programit certifikues të Qendrës për Energji dhe Qëndrueshmëri të Universitetit të Prishtinës - Energjia e Ripërtritëshme dhe Qëndrueshmëria se nga data 27.01.2025 deri më 03.02.2025 në ora 16:00, do të jetë i hapur SEMS-i për paraqitjen të provimeve për Semestrin Dimëror të vitit akademik 2024/25.

Ju njoftojmë se afati për regjistrimin e semestrit dimëror të vitit akademik 2024/25, për studentët e të gjitha niveleve të studimit, do të jetë i hapur në Sistemin Elektronik për Menaxhimin e Studentëve (SEMS) deri më 01.11.2024.

Të nderuar studentë, Universiteti i Prishtinës ka hapur email-at e studentëve të rinj të programeve bachelor dhe master. Për ta kuptuar cili është emaili juaj, duhet të hyni në SEMS te ,,Profili’’ dhe email-in tuaj studentor e gjeni tek rubrika ,,Email zyrtar’’. Pastaj nëpërmjet Gmail-it ose linkut https://mail.uni-pr.edu, mund të kyçeni në atë email duke përdorur numrin tuaj personal si fjalëkalim. Pas kyçjes, duhet ta ndërroni fjalëkalimin. Universiteti i Prishtinës ju dëshiron studime të mbara!

Santefarm SH.P.K. financon deri në gjashtë (6) bursa, secila në vlerë prej 100.00 (njëqind) euro në muaj për një vit akademik, për studentët e Degës së Farmacisë të Fakultetit të Mjekësisë të Universitetit të Prishtinës "Hasan Prishtina". Afati i aplikimit 1. Aplikimi përmes SEMS dhe është i hapur prej prej datës 17.09.2024 deri me datë 23.09.2024, në orën 16:00. 2. Ditën e parë të konkursit, me datë 17.09.2024, aplikimi elektronik do të funksionalizohet nga ora 11:00.